RF 射頻+ 激光換膚 (真金白銀+ 真人真事經歷) ---序

半年前,
莫名其妙的全面長滿嚴重的囊腫瘡...
那可怕的經歷、極度沮喪的心情...至今我仍不會忘記

深刻的回憶以外,
留下的還有深深的凹凸洞和全面的粗大毛孔..
本身偏白的膚色更使暗瘡印的色素沉澱更為礙眼

經歷半年的中醫調理,
暗瘡情況得以控制,
是故我亦開始處理面上的瘡疤

經過多番的考慮和資料搜集,
我放棄左做微針同LASER
我決定去做RF換膚
保險起見, 我決定去由醫生親自主理的診所接受療程,
雖然價錢貴幾倍, 但於我來說那份可靠和專業的感覺是值得的。

有一日, 終於鼓起勇氣上診所接受CONSULTATION

由於我係新客戶, 見醫生之前要先見醫生的助手, 是免費的CONSULTATION

據我所知, 醫生的助手唔係醫護人員, 只係醫學美容診所內的一位較為資深的美容師

醫生助手的CONSULTATION 大約只有5分鐘,
助手一見到我, 亦都好認同我的情況係需要接受療程, 以改善目前肌膚表面的多重凹凸洞和粗大毛孔。佢有俾ADVICE 我, 但亦表面去到個個階段我可以再回家考慮做唔做, 當時可以就咁走而唔使俾錢的。如果當時我決定見醫生, 醫生的CONSULTATION 要收診金500, CONSULTATION 之後決定接受療程就可以REDEEM 番診金。

因為下左決心要做療程,
我當然話要見醫生啦。
等多10分鐘, 就喺助手陪同下入左醫生房見醫生。

醫生的CONSULTATION 大約15 分鐘。
佢仔細睇左我塊面的情況, 指出的目前面部皮膚的兩大問題:
1. 全面分佈左大小同深淺程度不一的凹凸洞, 呢個情況可以接愛全面的RF 射頻改善。
但醫生亦明言我的情況冇可能一次半次可以變番完美肌膚。佢估計約要10次。
但佢亦都指出, 做射頻唔似食藥, 冇話一定要做夠10次先叫完成, 做幾多次完全取決於我對自己情況的滿意程度。即係話, 我做完一次覺得已經足夠唔想做再都得。

2. 粗大毛孔 --> 可以用激光收細毛孔

3. 暗瘡印色素沉澱, 醫生話大約一年左右會自行消退,
但想快點復完就可以做激光加快, 暗瘡印淡左亦令凹凸洞冇咁顯眼。

醫生建議我先做5次RF, 再加激光去印。
佢診所有5次的PACKAGE 賣,
但因為我仲係學生, 而且我從來冇做過任何的醫學美容療程,
所以寧願貴D, 都只係散買左一次療程。

今日,
我終於做左第一次療程!!!
但已經打字打到手軟...下篇再同大家UPDATE 我的情況!!