補寫 (2013年2月)
我想做mts 好耐架喇, 依家暗瘡都好得七七八八,
但面上的疤同洞長久以來都令我十分難過,
身邊人其實唔係好介意, 佢唔想我 “ 花錢買難受”,
Tx 又唔平, 做完又紅紅腫腫咁,
但我每次照鏡見到自己d 疤都會好唔開心,
有時甚至唔想照鏡添, 所以,
既然mts 可以買到一個” 希望”, 我都決定去嘗試
上網搵左好多資料,
考慮過去美容院做碌個隻微針,
但又覺得去美容院做同自家diy 做微針無乜差別,
上網嘗試去拍賣網搵diy既微針套裝,
但我覺得diy 碌針就好似自殘咁, 我驚自己都係會唔敢落手。
搵搵下, 又搵到一種較新既mts 技術, 叫做amts
同mts 唔一樣, 呢隻唔係碌既, 係用電針,
聞說效果比mts 唔止一倍,
但價錢會貴少少,
睇左幾篇review 我都開始心動
結果搵到一個喺尖沙咀既醫學美容中心係有得做amts 既,
就鼓起勇氣book 左tx
其實明知做完tx 會有幾日面紅紅, 樣衰衰咁,
好多人都會選擇book 星期五六, 咁樣就可以趁weekend 匿埋”避世”,
等皮膚recover,
但我反而唔係咁諗,
因為weekend 去街街對我黎講好重要架嘛!!反正平時番工帶口罩都無乜問題,
我反而prefer 喺week days 做, 咁樣到左weekend 皮膚大致都退左紅,
我就有靚靚樣出街見人了!
講番做既過程,
上到去,
美容院既IN CHARGE 同我見面傾左陣,
佢一見到我塊面, 其實都唔使DISCUSS D 乜啦,
因為好明顯我既情況係需要微針先可以解決,
佢話我既疤屬於較難處理的,
因為一般常見既暗瘡疤係範圍細既, 但較深既疤,
但我既呢, 就係面積較大, 但係疤既深度較淺, 令到遠看面上好似地球表面咁好唔平滑 (唉…)
聽到呢D 個心都沉一沉,
我問佢我既SITUATION 最好既情況可以係點呢? 要做幾多次到?
老闆娘亦老老實實咁答我話,
「要回復到剝殼雞蛋咁樣就無可能架喇,
但希望可以做到喺太陽光/ 射燈 照射下, 皮膚會幼細少少啦,
不過都唔會係一兩 次TREATMENT 可以搞得掂,
都需要8-10次!」
可能佢睇得出我好心急好DESPARATE 想皮膚靚番,
佢叫我千萬不可心急, 因為做AMTS 都要留充足既時間俾皮膚復原,
要有耐性去俾皮膚細胞重新生長!
我地傾完之後,
負責做既治療師就入左黎幫我卸妝上麻醉喇,
佢地準備幫我做0.7-1m m 既針長,
做0.7 既時候係完全唔痛既 (有麻醉情況下),
但當在重點位再做1 既時候, 就覺得有少少痛,
不過過程唔係好長, 所以個種痛係acceptable 既(我仲同治療師講笑話針清仲痛d 添呀!)
反而做既時候, 最令我不安既係機器聲, 一著機我成個人就好緊張。
做完之後,
佢幫我上左個co2 mask, 然後就俾我一個人喺房度抖30分鐘,
休息既時候感覺塊面有灼熱感, feel 到塊面係腫左既!
30分鐘過後,
治療師番入黎幫我起走個co2 mask,
我見到個mask 混住好多血水! *0*
起走個mask 之後, 面既灼熱感強左好多!
之後佢幫我搽番助退紅既cream, 成個過程就完成啦~
堆單個陣, 我選擇左買10日的精華素, for 早晚mask 後用既,
雖然話可以戴口罩番工, 但額頭都要見人架嘛!! 所以我買埋支退紅day cream,
希望d 紅散得快d 啦~
沒有留言:
張貼留言