今日行開旺角,
就去左朗豪場西武的BOURJOIS 看看有沒有新產品
一開始我就看中了新推出的甲油系列,
有位SALES 姐姐主動過黎招呼我,
我只係試左兩隻色,
已經好快決定左要其中一支
跟住佢問我係唔係會員,
我話係,
佢就開始不停SELL 我買SET,
話點抵點抵,
但因為我屋企已經有太多化妝品,
我拒絕了, 說要一支甲油就好,
然後,
佢又開始游說我,
說甲油買三送一,
我說我很清楚這個優惠呀,
因為之前買過唔只一次了,
只是今次沒有心水的顏色
再一次被我拒絕後,
她又游說我多買些產品,
因為會員買夠得$150 可以儲分,
我也回答說不用了
然後她的面口就開始轉差了!
單手"飛" 左張單俾我, 用超寸的語氣說 "行到房盡頭就俾錢",
說這話時沒有任何手勢指示我該向那個方向走, 也沒有正面望向我,
一點禮貌也沒有
當時我已經覺得很不被尊重,
但因為甲油我不是打算自用的,
是買來明天送人的小禮物,
所以我才繼續 "行到房盡頭就俾錢" !!
(如果是自用的, 我一定會立即走人!!! )
俾完錢番轉頭拎貨,
佢就咁俾支甲油同埋單我,
我表示因為是送人的,
希望有一個包裝袋,
她才面無表情的去為我找來一個小小環保袋
我唔係第一二次幫襯BOURJOIS,
通常我都係晌朗豪場的專櫃和TIME SQ 的專門店買,
因為覺得產品會比較齊全,
而且有SALES 姐姐在, 也試得較安心
每次都買得好開心
只是這次的購物經驗令我很不愉快,
覺得BOURJOIS 的STAFF 令人很失望
是不是只買一支甲油的客人就不是客人?
買SET 買上千元的就是大戶才值得優質的服務?
不吐不快,
此文沒有針對品牌的意思, 純粹是個別例子, 但的確真人真事
只是如果品牌PR 能夠看到,
懇請代為向公司反映,
前線員工的工作態度是完全絕對一定影響到品牌的形象!
