我的懷孕日記- 9W4D

踏入了9W, 感覺胃口比之前好番好多, 

乜都想食, 本身都係鐘意食香口野的為食之人, 

有左之後對煎炸野、零食都係無法抗拒 ><"
星期六收工仲一個人食左一個麥當勞餐...HAHA

肚皮唔覺有大變化, 

但稍用力按肚好像會摸到脹脹的子宮, 

感覺似有一個細細的西柚喺肚內!

胸部都開始出現變化了, 估唔到咁快, 

呢兩星期明顯地脹大左, 原本的BRA 開始有少少緊, 

估計好快就要換了@@

飲食方面, 我雖然成日忍唔住口食零食, 

但正餐有盡量清淡, 少食多餐, 

已戒海鮮和無鱗魚, 

每日都食一個小蘋果和1-2個金奇異果, 

早餐每日飲一盒鈣思寶, 加芝麻粉、骨膠原粉和奇亞籽

每餐都唔可以食得太飽, 因為會想嘔...
但食完正餐又好快會肚餓要再食野. 

之前久唔久都有流啡,
但因為無肚痛徵狀, 就無去求醫...
今個星期開始成日都有點不安...
可能在網上看文看多了, 

擔心BB 唔跟我...走了/ 停止生長...ETC...

開始感覺到陀BB 的無形壓力, 

無論如何, 只想佢健康成長. 

工作上, 因為身體未有明顯的變化, 

對日常工作未有太大影響呢~

另外呢, 還在考慮喺公立定係私家生, 

私家生待遇當然好D, 但我擔心萬一有意料之外的狀況, 

私家的BILL 會好貴... 

而當出現緊急事故, 其實私家都係會將母子TRANS 番去公立, 

所以呢個因素令我好糾結...最萬全穩陣的應該揀公立, 

而且仲平幾萬, 慳左的錢, 用黎買補品坐月都好丫! 

本來以為PREGNANT DIARY 無乜好寫, 估唔到打下打下, 都打左咁大篇呀!